Flus piroclastic

Un flus piroclastic al è une lavine ardint formade di cinise, pomighe, tocs di crets, gas vulcanic e dut ce che e pues cjapâ dentri dilunc dal so troi, che e ven jù pal versant dal vulcan cuntune velocitât che e pues rivà a plui di 100 km/h. Lis temperaduris tal mieç di un flus piroclastic a puedin sei di plui di 500 °C, avonde par esempli par brusâ il len. Une volte depositâts, le cinise e il rest a puedin disformâsi, ingrumâsi e disfâsi insiemit par vie dal scotôr e de cjame dal materiâl parsore.

Fats e dâts: Il 8 di Mai dal 1902 un flus piroclastic vignût jù dal Mont Pelée, te Martiniche, al à causât il plui grant disastri vulcanic dal XX secul. 28'000 personis a son muartis te citât di St. Pierre, che si cjatave a 7 km dal cuc dal vulcan.

Un flus piroclastic intune piçule scjale, cucât sul Etna in Sicilie il 25.10.1999. Foto: © R. Carniel Secuence fotografiche dal mortâl flus piroclastic che al ven jù bande di St. Pierre Foto de citât di St. Pierre prin e daspò de catastrofe Un dai une vore pôcs sorevisûts: un presonîr (le sô cele te foto parsore) e un poster che lu anuncie tanche une atrazion famose intun circ (foto disot)